ბალის აეროპორტში დააკავეს რუსეთის მოქალაქე, როდესაც ის ინდონეზიიდან ორანგუტანის გაყვანას ცდილობდა.

ანდრეი ჟესტკოვს ორი წლის მამრი ორანგუტანი როტანგის კალათაში ჰყავდა დამალული, რომლის დასაძინებლადაც ის სხვადასხვა მედიკამენტებს იყენებდა.

ჟესტკოვის თქმით, ორანგუტანი მას მეგობარმა აჩუქა, რომელმაც ის სამი ათას დოლარად შეიძინა. ორანგუტანები კანონით არიან დაცულნი, ჟესტკოვს კი ხუთწლიანი პატიმრობა ემუქრება.

"რუსეთის მოქალაქეს ჩანთაში სპეციალური ინექციებიც ჰქონდა, რომლითაც ის ორანგუტანს აძინებდა", - განაცხადა აეროპორტის წარმომადგენელმა დივა დელანატამ.

ჟესტკოვის ჩანთაში ასევე იპოვეს ორი ცოცხალი გეკონი და ხუთი ხვლიკი.

ფოტო: AFP

პოლიციის თქმით, 27 წლის ჟესტკოვი მისმა რუსმა მეგობარმა დაარწმუნა, რომ ის საზღვარზე ორანგუტანის გადაყვანას შეძლებდა, რომელიც მას რუსეთში შინაურ ცხოველად უნდა ჰყოლოდა.

ორანგუტანი ამჟამად ბალის ბუნებრივი რესურსების კონსერვაციის სააგენტოშია გადაყვანილი.