თბილისის საქალაქო სასამართლომ ცენტრალურ საარჩევნო კომისიას საარჩევნო ბლოკის, თოფაძე–მრეწველები – ჩვენი სამშობლოს, რეგისტრაციის აღდგენა დაავალა.

ზემდგომ ინსტანციაში გაასაჩივრებს თუ არა ცესკო ამ გადაწყვეტილებას, მას შემდეგ მიიღებს გადაწყვეტილებას, რაც სასამართლოს გადაწყვეტილება ჩაბარდება. იმ შემთხვევაში, თუ ცესკომ აღნიშნული გადაწყვეტილება არ გაასაჩივრა, ის ვალდებული იქნება აღასრულოს სასამართლოს გადაწყვეტილება და რეგისტრაცია აღუდგინოს აღნიშნულ საარჩევნო ბლოკს.

ცესკოს განცხადებით, საარჩევნო ბლოკმა თოფაძე-მრეწველები – ჩვენი სამშობლო, პარტიული სია კანონით განსაზღვრულ ვადებში ვერ წარმოადგინა, რის გამოც ის 2016 წლის საპარლამენტო არჩევნებში მონაწილეობას ვეღარ მიიღებს. აღნიშნული გადაწყვეტილება ცესკომ რამდენიმე დღის წინ მიიღო. თავად ბლოკის წევრები კი ამტკიცებდნენ, რომ მათ ყველა დოკუმენტი წესრიგში ჰქონდათ.