თემქაზე ერთ-ერთ კორპუსში, გაზი აფეთქდა. შედეგად კედლის ნაწილი და აივანი ჩამოინგრა. შინაგან საქმეთა სამინისტროში On.ge-ს უთხრეს, რომ ბინაში ერთი ადამიანი იყო, რომელიც მსუბუქად დაშავდა. იგი უკვე გადაიყვანეს საავადმყოფოში.

საქმეზე უკვე დაიწყო გამოძიება 240¹ მუხლით, რაც გაზის განლაგების, დაპროექტების, მშენებლობის ან ექსპლუატაციის დროს უსაფრთხოების წესების დარღვევას გულისხმობს, რასაც მოჰყვა ჯანმრთელობის ნაკლებად მძიმე ან მძიმე დაზიანება ან რამაც მნიშვნელოვანი ზიანი გამოიწვია. ადგილზე მუშაობენ ექსპერტ-კრიმინალისტები და სამაშველო ჯგუფი.

ყაზტრანსგასში On.ge-ს განუცხადეს, რომ თემქის ამ კონკრეტული მისამართიდან მათთან შეტყობინება არ შესულა. მათივე ვარაუდით, აფეთქების მიზეზი გაზგამათბობლის ექსპლუატაციის წესების დარღვევა იყო.