ევროპული საქართველოს ლიდერის, გიგი უგულავას თქმით, არჩევნებზე ისინი და ნაციონალური მოძრაობა ერთმანეთისთვის ხმების წართმევას არ აპირებენ და ოლქებს იყოფენ. ამის შესახებ გიგი უგულავამ პირველ არხზე გადაცემა კვირის ინტერვიუში ისაუბრა:

"ზუგდიდის ოლქში ყველა შემთხვევაში ჩამოყალიბებული ვართ, რომ ნაციონალური მოძრაობის კანდიდატი იყრის კენჭს და ჩვენ იქ კანდიდატს არ დავაყენებთ. თუ ვინ იქნება ეს, უკვე მათი გადასაწყვეტია. ზუსტად ასეთივე შეთანხმება არსებობს მთაწმინდასთან დაკავშირებით, სადაც ჩვენ დავაყენებთ და ნაციონალური მოძრაობა არ დააყენებს საკუთარ კანდიდატურას", — განაცხადა უგულავამ.

ჯერჯერობით უცნობია ვის წარადგენს ნაციონალური მოძრაობა ზუგდიდის მერობის კანდიდატად. როგორც ნიკა მელიამ პოლიტსაბჭოს სხდომის შემდეგ თქვა, მას გაუხარდება, თუ ეს ყოფილი პირველი ლედი, სანდრა რულოვსი იქნება.