ე.წ. ნავთლუღის სპეცოპერაციის საქმეზე, დღევანდელ პროცესზე, დათა ახალაიას სახაზინო ადვოკატი დაენიშნა. ჯანმრთელობის მდგომარეობის გამო, დათა ახალაიას ადვოკატი, ირაკლი ზაქარეიშვილი არ გამოცხადდა, რაც სხდომის გადადების მიზეზი გახდა.

მოსამართლის გადაწყვეტილებით, ახალაიას ადვოკატი სახაზინო წესით დაენიშნა. კონსტიტუციური უსაფრთხოების დეპარტამენტის ყოფილ უფროს დათა ახალაიას, ე.წ. ნავთლუღის სპეცოპერაციის საქმეზე, რომელზეც ბრალი მასთან ერთად კუდ-ის ყოფილ მაღალჩინოსან გია დგებუაძეს, მეტსახელად „მასტერასაც“ აქვს წაყენებული.

სახაზინო ადვოკატი საქმეში მაშინ ჩაერთვება, თუ რომელიმე პროცესზე დათა ახალაიას ინტერესების დამცველი ირაკლი ზაქარეიშვილი არ გამოცხადდება.

On.ge დაუკავშირდა ირაკლი ზაქარეიშვილს, რომელმაც აღნიშნა, რომ მომდევნო პროცესზე, რომელიც 19 სექტემბერსაა ჩანიშნული, გამოცხადდება და სახაზინო ადვოკატი ჩამოცილდება საქმეს.

ე.წ. ნავთლუღის სპეცოპერაციის საქმის განხილვა 19 სექტემბერს, ბრალდების მხარის მტკიცებულებების გამოკვლევითა და მოწმეების დაკითხვით განახლდება.