ახალ ზელანდიაში ორ მეჩეთს თავს დაესხნენ, რის შედეგადაც 40 ადამიანი გარდაიცვალა, ხოლო 20 დაშავდა. პოლიციამ ოთხი ეჭვმიტანილი, სამი კაცი და ერთი ქალი უკვე დააკავა. ჯერჯერობით კონკრეტულად რამდენი ადამიანი მონაწილეობდა თავდასხმაში, უცნობია.

"ეს არის ერთ-ერთი ყველაზე ბნელი დღე ახალი ზელანდიის ისტორიაში", — განაცხადა ქვეყნის პრემიერ-მინისტრმა ჯასინდა არდერნმა. მან თავდასხმას ტერორისტული აქტი უწოდა.

სამართალდამცავებმა ოპერაციის დრო ამოიღეს კუსტარულად დამზადებული ასაფეთქებელი ნივთიერებები, ცეცხლსასროლი იარაღი და საბრძოლო მასალა. ამავე დროს, პოლიცია დაზუსტებით ვერ ამბობს, რომ დაკავებულები თავდასხმასთან კავშირში არიან.

ავსტრალიის პრემიერ-მინისტრმა, სკოტ მორისონმა განცხადა, რომ ერთ-ერთი ეჭვმიტანილი არის ახალი ზელანდიის ავსტრალიური წარმომავლობის მოქალაქე. ადგილობრივი მედია წერს, რომ მას თავდასხმისას 17-წუთიანი პირდაპირი ეთერი ჰქონდა, ხოლო სანამ მეჩეთში შევიდოდა მანიფესტი გამოაქვეყნა. ამ დროისთვის სოციალურ ქსელებში ყველა მისი ანგარიში დაბლოკილია.

შეიარაღებული თავდასხმა ალ-ნურისა და ლინვუდის მეჩეთებზე განხორციელდა. როგორც ცნობილია, თავდასხმის დროს ალ-ნურის მეჩეთში 300 ადამიანი იყო. თვითმხილველები ყვებიან როგორ დაინახეს შეიარაღებული ადამიანი, რომელიც მეჩეთში შევიდა და სროლა დაიწყო.

შეიარაღებული თავდასხმის გამო ქალაქში ყველა მეჩეთი დაკეტილია. ამასთანავე, სკოლებში შეწყდა სასწავლო პროცესი და დაიკეტა საზოგადოებრივი თავშეყრის ადგილები.

ფოტო: AP

ფოტო: AP

ფოტო: AP

ფოტო: AP