საქართველოს პარლამენტის თავმჯდომარის, ირაკლი კობახიძის თქმით, თიბისის საქმე სამართლებრივი საკითხია და პოლიტიკურ ჭრილში არ უნდა გადავიდეს. კობახიძის კომენტარს პარლამენტის პრესსამსახური ავრცელებს.

"ნებისმიერი თანმდევი პროცესი, რომელიც უკავშირდებოდა ამ საქმეს, ყველაფერი იქნება გამოძიებული. ჩვენთვის მთავარია, რომ არ გადავიტანოთ ეს ყველაფერი პოლიტიკურ ჭრილში", — აღნიშნა კობახიძემ.

მისი თქმით, ოპოზიცია ცდილობს საკითხის პოლიტიზირებას და საგამოძიებო კომისიის შექმნის შესახებ ინიციატივა გააჟღერა.

9 იანვარს საქართველოს მთავარმა პროკურატურამ თიბისის დამფუძნებლების, მამუკა ხაზარაძისა და ბადრი ჯაფარიძის შესაძლო ფულის გათეთრების საქმეში მონაწილეობის შესახებ ინფორმაცია გაავრცელა. რამდენიმე კვირის შემდეგ კი ხაზარაძემ პარლამენტში მისვლის შემდეგ განაცხადა, რომ მას შინაგან საქმეთა მინისტრმა, გიორგი გახარიამ მუქარის წერილი გაიგზავნა.