ეთიოპიის ავიახაზების კუთვნილი თვითმფრინავი დღეს, 10 მარტს ჩამოვარდა. ამის შესახებ ეთიოპიის პრემიერ-მინისტრის ადმინისტრაცია ტვიტერის გვერდზე ავრცელებს განცხადებას. ბორტზე 149 მგზავრი და ეკიპაჟის 8 წევრი იყო. ბოინგ 737 კენიის დედაქალაქ ნაირობისკენ ასრულებდა რეგულარულ ფრენას.

ფოტო: ETHIOPIAN AIRLINES

ავიახაზების პრეს-სპიკერის ცნობით, თვითმფრინავი იმ დროს ჩამოვარდა, როდესაც ეთიოპიის დედაქალაქს, ადის აბაბას ტოვებდა. ჯერჯერობით უცნობია ისიც, თუ სად ჩამოვარდა ბოინგი.

სახელმწიფოს კუთვნილი ეთიოპიის ავიახაზები ცნობილია, როგორც აფრიკის უდიდესი გადამზიდი. 2010 წელს კომპანიის კუთვნილი თვითმფრინავი, ბეირუთის დატოვების შემდეგ, ხმელთაშუა ზღვაში ჩავარდა. შემთხვევას მაშინ ბორტზე მყოფი 90 ადამიანი ემსხვერპლა.