ეროვნული ბანკის ყოფილი დირექტორი გიორგი ქადაგიძე აცხადებს, რომ თიბისი ბანკის საქმეზე სასამართლოში ჩვენებას ადვოკატების გარეშე მისცემს. ამით ის დააფიქსირეს თავის დამოკიდებულებას საქმის მიმართ.

გიორგი ქადაგიძე ფეისბუქის გვერდზე გამოქვეყნებულ განცხადებაში ადასტურებს საქართველოს პროკურატურის მიერ გავრცელებულ ინფორმაციას, რომ ჩვენებას სასამართლოს წინაშე მისცემს.

"მივიღე უწყება თიბისის საქმეზე მოწმის სახით გამოკითხვის მიზნით. საქმის მასშტაბის და ლეგიტიმური საჯარო ინტერესის გათვალისწინებით გადავწყვიტე, არა პროკურატურაში გამოკითხვის გზით არამედ პირდაპირ სასამართლოში საჯაროდ მივცე ჩვენება", — წერს ქადაგიძე.

ის ასევე ემხრობა თიბისი ბანკის საქმეზე პარლამენტში საგამოძიებო კომისიი შექმნას, "სადაც ყველა მოქმედი და ყოფილი თანამდებობის პირები გააკეთებენ განმარტებებს და უზრუნველყოფენ პროცესის სრულ გამჭვირვალობას".

საქართველოს პროკურატურამ თიბისი ბანკის საქმეზე ეროვნული ბანკის ყოფილი პრეზიდენტი გიორგი ქადაგიძე გამოკითხვაზე დაიბარა. სასამართლოს წესით დაკითხვის შესახებ შუამდგომლობით პროკურატურა სასამართლოს, ხვალ 7 მარტს მიმართავს.