ყაზტრანსგაზის ინფორმაციით, თბილისში, გლდანის მე-3 ა მიკროში, ნაქირავებ ბინაში CO-ს დაგროვების შედეგად ერთი ადამიანი გარდაიცვალა, კიდევ ერთი კი, უგონო მდგომარეობაში საავადმყოფოში გადაიყვანეს.

ყაზტრანსგაზში განმარტავენ, რომ ამ ბინაში დამონტაჟებული კუსტარული წყალგამაცხელებლის საკვამლე მილი ბინის მეპატრონეს კორპუსის სავენტილაციო არხზე ჰქონდა მიერთებული, რამაც CO-თი ამავე კორპუსის პირველ სართულზე მცხოვრები ორი მეზობლის მოწამვლაც გამოიწვია. კომპანიის თანამშრომლებმა დანადგარი ჩაჭრეს.