შეიძლება არ იცი, ვინ არის ეშლი კონვინგტონი, თუმცა, მისი ხელები რომელიმე რეკლამაში აუცილებლად ნანახი გექნება. რეალურად ის ერთ-ერთი წარმატებული ხელის მოდელია ამ ინდუსტრიაში. ხშირ შემთხვევაში მომგებიანი კამპანიის უკან ხელის მოდელები დგანან, რომლებიც ამა თუ იმ პროდუქტს თავიანთი ხელებით ყიდიან: ეს შეიძლება იყოს სამკაული, მობილური ან თუნდაც, ბურგერი.

უმეტესწილად, ხელის მოდელები ბავშვობაში ამ საქმიანობაზე არ ოცნებობდენ, ისინი შემთხვევით აღმოაჩინეს. მაგალითად, კოვინგტონს, რომელსაც მსახიობობა უნდოდა, აგენტმა უთხრა, რომ მსახიობობაზე უარი ეთქვა და ყურადღება ხელებისთვის მიექცია. "ვერ მივხვდი, თავი შეურაცხყოფილად უნდა მეგრძნო, თუ არა" - იხსენებს ის.

ხელის მოდელების ერთ-ერთი აღმომჩენი კარმენ მარუფოა, რომელიც უცნობების ხელებს აკვირდება, თუ მოეწონა, აჩერებს და ეუბნება, რომ მათ ამ ინდუსტრიაში დიდი მომავალი აქვთ. "ერთხელ ერთმა ქალმა ოფისში კონვერტი დამიტოვა. მის ხელებს შევხედე, გავოცდი და გავეკიდე. საბოლოოდ, მან ამ ბიზნესს მიჰყო ხელი და ბევრი ფულიც გამოიმუშავა", - ამბობს ის.

დღესდღეობით ხელის მოდელები საკმაოდ მოთხოვნადი კადრები არიან. ნებისმიერ წარმატებულ ბრენდს სჭირდება ვინმე, ვინც პროდუქტს რეკლამირებას კარგად მოვლილი ფრჩხილებით, რბილი კანითა და ლამაზი, გრძელი თითებით გაუწევს. კოვინგტონს, რომელმაც ამ ინდუსტრიაში მუშაობა 13 წლის წინ დაიწყო, ეს საქმიანობა ისევ უყვარს, თუმცა ამბობს, რომ სილამაზე, ამ შემთხვევაშიც, ძალიან დიდ მსხვერპლს მოითხოვს.

რამდენს გამოიმუშავებენ ხელის მოდელები?

ფოტო: Jean Pacome Dedieu

ფორბსს თუ დავუჯერებთ, წარმატებული ხელის მოდელი წელიწადში საშუალოდ $75 000-ს გამოიმუშავებს, ხოლო, როგორც კოვინგტონი აღნიშნავს, ერთხელ მან 2 საათში $13 000 გამოიმუშავა. თუმცა ხშირად მსგავს თანხაში მოდელებს უბრალოდ უმართლებთ. ისინი თავისუფალი გრაფიკით მუშაობენ, რის გამოც მათი სამუშაო პროგნოზირებადი არ არის. გარდა ამისა, ძირითადად, მათ ბოლო წუთს ურეკავენ ხოლმე, რის გამოც თვითმფრინავის ხარჯებზე მოდელები არიან პასუხისმგებლები.

მატყუარა რეკლამები

ამიერიდან, თუ რომელიმე რეკლამას მოკრავ თვალს, სადაც ერთ-ერთი ცნობილი მსახიობი ან მოდელი რომელიმე კანის კრემის რეკლამას ეწევა, დაიმახსოვრე, რომ სავარაუდოდ, ეს მისი ხელი არ არის.

მოდელი ადელი უდოს ხელები ისეთი სელებრითების გადაღებებზე ყოფილა, როგორიცაა ნატალი პორტმანი ან რიზი ვიზერსპუნი. "უმეტეს შემთხვევაში, მე ცნობილი ადამიანების უკან ვარ დამალული და ვცდილობ, მათ სახეს ისე შევეხო, თითქოს მათივე ხელი ეხება".

ხელის ვარჯიშები მოდელობის გასაღებია

ფოტო: Jean Pacome Dedieu

ზოგჯერ მოდელს გადაღების დროს მხოლოდ ერთი თითის გამოძრავება უწევს მთლიანი ხელის მოძრაობის გარეშე. კოვინგტომა ფლეიტის მუსიკოსების ვარჯიშები დაიწყო, რათა თითების კუნთებზე სრული კონტროლი მოეპოვებინა.გ

გადასაღებ მოედანზე ყოფნა ყოველთვის უცნაურია

ხელის მოდელობა საგნების ჭერას მუდმივი სიზუსტით, აკურატულობით მოითხოვს. "რასაც მაყურებელი ვერ ხედავს, ეს კამერაა ჩემს კისერთან, ჩემი თავი კი ერთ მხარესაა შეტრიალებული და მხოლოდ ცალი თვალით ვხედავ, რას აკეთებს ჩემი ხელი. ეს ყველაფერი სიჩქარესა და მუდმივ ზეწოლას მოითხოვს", - ამბობს კონვინგტონი.

რა ხდება მაშინ, როცა მოდელებს თითი ეჭრებათ ან ფრჩხილი უფუჭდებათ?

ფოტო: Jean Pacome Dedieu

ერთ-ერთი მოდელი, ადელი იხსენებს: "მუშაობამდე რამდენიმე დღით ადრე ფრჩხილი მომტყდა. სელებრითების მემანიკიურეს დავურეკე. მან ჩაის ფერითა და წებოთი სასწაული მოახდინა, ფრჩხილი მიმაწებეს ისე, რომ მოტეხილის არაფერი ეტყობოდა. კერძოდ, ჩაის ფერის ფურცლის ნაწილი აიღო, როგორც ხელოვნური კანი, რომელიც უკვე მომძვრალსა და მთელ ფრჩხილს გააერთიანებდა. ეს ნამდვილად შთამბეჭდავი საქმიანობა იყო".

როგორც წესი, მოდელებს ხელები დაზღვეული აქვთ. ისინი თითქმის ყველაფერს ხელთათმანებით აკეთებენ, რადგან კამერაში მიკროსკოპული ნაკაწრებიც კი ჩანს.

"ერთხელ ხელი გამეჭრა. მეტროში უცნობი ქალი დამეჯახა და დიდი, ბასრი ბეჭედი ხელი გამკრა. ადამიანთა უმეტესობა ვერც კი იხსენებს, სად იკაწრავენ ხელებს, ან სად ეჭრებათ თითები. მე კი ყველა ასეთი შემთხვევა ზედმიწევნით მახსოვს", - ამბობს კოვინგტონი.

როგორ მოვუაროთ ხელებს ხელის მოდელივით?

ფოტო: Jean Pacome Dedieu

პირველ რიგში, დატენიანება, დატენიანება და დატენიანება. ამისთვის ძვირფასი ხელის კრემი არ გჭირდებათ. ზეითუნის ზეთიც საკმარისია.

მეორე რიგში კი - სწორი კვება. ვიტამინების ნაკლებობა პირდაპირ აისახება ფრჩხილებსა და ხელის კანზე.

სწორედ ხელის კანზე გაჩენილი დერმატოლოგიური პრობლემების შესახებ ისაუბრეს დღეს სხვა შუადღეში. მართალია, ხელზე შეწითლებებისა თუ ლაქების გამო თქვენ ხელის მოდელებივით სამსახურს არ დაკარგავთ, მაგრამ იქნებ ეს რჩევები მაინც გამოგადგეთ: