ინგლისური ელექტრონული ჯგუფის The Prodigy-ის ვარსკვლავი კით ფლინტი 49 წლის ასაკში გარდაიცვალა.

ის ორშაბათ დილით ესექსში, თავის სახლში იპოვეს.

ბენდს მაისში ამერიკული ტურნე ჰქონდა დაგეგმილი. ფროდიჯიმ ვოკალისტის გარდაცვალება ინსტაგრამზე დაადასტურა.

"სიახლეები სიმართლეა. არ მჯერა რომ ამას ვამბობ, მაგრამ ჩვენმა ძმამ კითმა შაბათ-კვირას თავი მოიკლა. შოკირებული, განრისხებული, დაბნეული და გულმოკლული ვარ. მშვიდად განისვენე", - წერს ბენდის სიმღერების ავტორი ლიამ ჰაულეტი პოსტში.

ფროდიჯიმ პოპულარობა 1990-იან წლებში მოიპოვა. თავისი ექსტრავაგანტული ვარცხნილობითა და ცეცხლოვანი შესრულებით კით ფლინტი მალე გახდა უამრავი მელომანის კუმირი. ის წამყვანი შემსრულებელია მუსიკალური ჯგუფის ორ მთავარ სინგლში, Breathe და Firestarter.

Breathe

Firestarter

ფროდიჯი საქართველოში 2016 წელს, ჯაზფესტივალის ფარგლებში ეწვია.