ამერიკის რესპუბლიკელი პრეზიდენტობის კანდიდატი დონალდ ტრამპი რუსეთის პრეზიდენტ ვლადიმერ პუტინის მისამართით მორიგ მაღალ შეფასებას აკეთებს.

"როცა მან [პუტინმა] მე ბრწყინვალე პოლიტიკოსი მიწოდა, მე ეს კომპლიმენტად მივიღე, თუ ის იტყვის ჩემზე სასიამოვნო სიტყვებს, მეც იგივეს გავაკეთებ. მასში ლიდერის მრავალი თვისებაა, მას თავის ქვეყანაზე ძლიერი კონტროლი აქვს. მას ქვეყანაში განსხვავებული სისტემა აქვს, მე შეიძლება არ მომწონდეს ეს სისტემა, მაგრამ თავის სისტემაში ის ბევრად უფრო ძლიერი ლიდერია, ვიდრე ჩვენი პრეზიდენტი, ბარაკ ობამა" - განაცხადა ტრამპმა.