პატრიოტთა ალიანსის დეპუტატის ემზარ კვიციანის ინიციატივით დაარსებული წყვილების დახმარების ცენტრი უკვე შემოწირულობებს იღებს. ამის შესახებ დეპუტატმა თავის ფეისბუქზე დაწერა.

ემზარ კვიციანის ცნობით, დემოგრაფიულ ცენტრში 500 ლარი ჩარიცხა ქართული ოცნების დეპუტატმა, თამაზ ნავერიანმა, ხოლო 43 ლარით ცენტრს თავად კვიციანი დაეხმარა.

პატრიოტთა ალიანსის წევრის, ემზარ კვიციანის ინიციატივით, საჯარო რეესტრმა შეყვარებული წყვილების აღმრიცხავი ცენტრი დაარეგისტრირა. ცენტრს "ქართული ემიგრაციის, დემოგრაფიული და ეკონომიკური ცენტრი" ჰქვია. ემზარ კვიციანის განმარტებით, ეს ცენტრი დაეხმარება ისეთ წყვილებს, რომლებსაც ოჯახის შესაქმნელად ფინანსური რესურსი არ აქვთ. მისი თქმით, აგენტები ივლიან, რომლებიც გაიგებენ, სად არიან ასეთი წყვილები, მათ აღრიცხვაზე აიყვანენ და შემდეგ გაუწევენ ფინანსურ დახმარებას. რაც შეეხება ბიუჯეტს, მისივე თქმით, ფულს ემიგრანტები ჩარიცხავენ.