პატრიოტთა ალიანსის დეპუტატის, ემზარ კვიციანის მტკიცებით სპეცსასამხურები დაოჯახების ცენტრის შექმნას აფერხებენ. კვიციანი განმარტავს, რომ ცენტრის შექმნა "ემიგრანტების დაკვეთა" იყო და მათი შემოწირულობით უნდა იმუშაოს. მისი თქმით, სპეცსასამხურებმა მიაკითხეს ემიგრანტ ბიზნესმენებს იმისთვის, რომ ისინი შეეჩერებინათ.

კვიციანი არ აკონკრეტებს, რომელ სპეცსასამხურებზეა საუბარი, თუმცა აფრთხილებს მათ შეჩერდნენ და მიატოვონ სამშბლოს ღალატი.

კვიციანმა ასევე განმარტა, რომ ცენტრის მიზანი არ არის შეყვარებულების აღრიცხვა. მისი თქმით, ეს ფრაზა უბრალოდ საუბრისას ახსენა და მედიასაშუალებები "გამოეკიდნენ". მისივე თქმით, ცენტრის მიზანი დემოგრაფიული პრობლემების მოგვარებაა.

"აი, ხო არიან შეყვარებულები, რომლებიც ვერ ბედავენ ოჯახის შექმნას, იმიტომ, რომ არ აქვთ საშუალება. იქნებიან აგენტები, რომლებიც რომ ივლიან, გაიგებენ სად არიან ასეთი, აღრიცხვაზე აიყვანენ და იქნება დახმარება მაგათი... დახმარება წავა მაგათზე პირველადი, მერე ყველა ბავშვზე", — განაცხადა კვიციანმა პრესკონფერენციაზე, როცა დემოგრაფიული ცენტრის შექმნა დააანონსა.

არასამთავრობო ორგანიზაცია, რომელიც ახალგაზრდებს ოჯახებს დაეხმარება, უკვე დაფუძნებულია. დეპუტატი განმარტავს, რომ თავად იქნება ამ ორგანიზაციის ლობი. კვიციანის თქმით, ცენტრი დაეხმარება დაოჯახებულ წყვილებს, რომლებიც საცხოვრებლად წავლენ მთაში.

ამავე თემაზე: