ყაზახეთის პრეზიდენტმა, ნურსულთან ნაზარბაევმა ქვეყნის მთავრობას გადააყენა. ნაზარბაევმა განაცხადა, რომ ქვეყანაში არსებულ არასახარბიელო სოციალურ ფონს უფრო მეტად ართულებდა მთავრობისა და მინისტრების უუნარობა მოესმინათ ხალხის პრობლემები და განემარტათ მათთვის მთავრობის პოლიტიკა.

ყაზახეთი პრეზიდენტი ამბობს, რომ ეკონომიკის სხვადასხვა სექტორებში, მთავრობის გატარებული არაერთი ცვლილებისა და კანონების მიუხედავად დადებითი ძვრები არ მოხდა. მისი თქმით, მთავრობას ეროვნულ ბანკთან ერთად არ გამოუვიდა ეკონომიკის ზრდისთვის საჭირო ინსტრუმენტების შექმნაც.

ნაზარბაევი ამბობს, რომ ახალმა მთავრობამ უნდა გადადგას რეალური ნაბიჯები, რომელიც ცხოვრების დონეს გააუმჯობესებს და ეკონომიკას გაზრდის. მისი თქმით, მისივე ინიცირებული რეფორმა სახელად "ერის გეგმა — 100 კონკრეტული ნაბიჯი" მიმართულია სტრუქტურული ცვლილებების დაჩქარებისკენ. ნაზარბაევი განმარტავს, რომ გეგმის შესრულების შემთხვევაში ქვეყნის ეკონომიკაში მცირე და საშუალო ბიზნესის წილი გაიზრდებაა, ასევე სასამართლოსა და სამართალდამცავი სისტემებისადმი ნდობა აღდგება.