საქართველოს პრეზიდენტის პრესსპიკერის, ხატია მოისწრაფიშვილის ინფორმაციით, 17-19 თებერვალს სალომე ზურაბიშვილი სამუშაო ვიზიტით საფრანგეთს ეწვევა და ქვეყნის პრეზიდენტის, ემანუელ მაკრონს შეხვდება.

მისი თქმით, ვიზიტის ფარგლებში, დაგეგმილია შეხვედრები UNESCO-ს გენერალურ მდივანთან და სენატის პრეზიდენტთან. ასევე, სხვა არაერთი შეხვედრა, მათ შორის ქართველ სტუდენტებთან და ქართული დიასპორის წარმომადგენლებთან. მისივე თქმით, იგეგმება ინტერვიუები Le monde-სთან, France 24-თან და სხვა მედიასაშუალებებთან.

მოისწრაფიშვილის ინფორმაციით, 20-21 თებერვალს სალომე ზურაბიშვილი სამუშაო ვიზიტით გერმანიას ეწვევა.