ეს სტატია მათთვის არის, ვისაც სურს, საკუთარ თანამშრომლებს მუშაობის პროცესში წარმატების მისაღწევად განსაკუთრებული მოტივაცია მისცეს.

საქმე ის არის, რომ ცოტა ხნის წინ საკმაოდ საინტერესო ექსპერიმენტი ჩატარდა, რომლის ფარგლებშიც ბიჰევიორისტული ეკონომიკის სპეციალისტმა, დენ არიელმა შეარჩია კომპანია, სადაც დასაქმებული ადამიანები კომპიუტერის ჩიპებს ამზადებენ — მათი პროდუქტიულობის გაზომვა ხომ ყველაზე მარტივია.

თანამშრომლები სხვადასხვა ჯგუფებად დაჰყვეს და მათ სამი ტიპის წახალისებას დაჰპირდნენ - პრემია, სიტყვიერი შექება და პიცა.

აღნიშნული ექსპერიმენტის შედეგები განსაცვიფრებელია, რადგან ამ კომპანიაში დასაქმებული თანამშრომლების უმრავლესობისთვის, პიცის გემრიელი ნაჭერი ფულად დანამატზე გაცილებით უკეთესი მოტივაცია აღმოჩნდა.

ფოტო: iStock

ჯგუფებს შორის ყველაზე პროდუქტიულები ისინი აღმოჩნდნენ, ვისთვისაც მუშაობის შემდეგ გემრიელი ლანჩი გარანტირებული იყო. მათი მუშაობის ხარისხი კი ვისაც ფულადი დანამატი უნდა აეღო, კვირის განმავლობაში საერთოდ გაუარესდა.

უფრო ვრცელი ინფორმაცია ამ საინტერესო ექსპერიმენტისა და მისი შედეგების შესახებ ამ წიგნში შეგიძლიათ წაიკითხოთ.