ქართული ოცნების გენერალური მდივნის, კახა კალაძის თქმით, როცა პარტია შიგნით შეთანხმდება საჯაროდ იმავე საკითხზე განსხვავებული პოზიციების დაფიქსირება არასწორია. ის ამბობს, რომ ეს პროცესი ხელს უწყებს გუნდის რღვევას.

"ვისაც სურვილი აქვს გუნდის დატოვების, კარი არის ღია", — თქვა კალაძემ თანაგუნდელებზე.

პარტიის წევრებს შორის განსხვავებულ პოზიციებზე პარტიის გენერალურ მდივანს გედევან ფოფხაძის განცხადების შემდეგ ჰკითხეს. გედევან ფოფხაძის თქმით, ის ვერ ხედავს მოსამართლეებთან დაკავშირებით გუნდში ერთსულოვნებას და მისი დატოვება სწორ გადაწყვეტილებად მიაჩნია.

დღეს, 5 თებერვალს ქართული ოცნების პოლიტსაბჭომ სასამართლო ხელისუფლების საკითხზე, არასამთავრობოებისა და საზოგადოების კრიტიკასთან დაკავშირებით განცხადება გაავრცელა. განცხადებაში ვკითხულობთ, არ დაუშვებენ სასამართლოს უსამართლო, უკანონო და აბსოლუტურად მიუღებელ დისკრედიტაციას.