ფრაქცია ქართული ოცნება-დემოკრატიული საქართველოს თავმჯდომარის, მამუკა მდინარაძის ინფორმაციით, პრეზიდენტის ავლაბრის რეზიდენციაში ქართული კულტურის ეროვნული მუზეუმის განთავსება განიხილება. დეპუტატის თქმით, ამ საკითხზე უმრავლესობის დღევანდელ შეხვედრაზე იმსჯელეს.

"ერთ-ერთ ვერსიას გაგიმხელთ, რომელსაც პირადად მე აბსოლუტურად ვეთანხმები. შემიძლია თანაავტორადაც კი დავასახელო თავი ჩემს კოლეგებთან, არჩილ თალაკვაძესთან და სხვებთან ერთად. შესაძლებელია, რომ ქართული კულტურის ეროვნულ მუზეუმზეც იყოს საუბარი", — ამბობს მდინარაძე.

მისი განმარტებით, ეს არის იმ ვერსიებს შორის ერთ-ერთი, რომლებზეც მიმდინარეობს მუშაობა.