აშშ-ში ანომალიურად ცივი ზამთარია

აშშ-ში ანომალიურად ცივი ზამთარი დადგა. ზოგიერთ რეგიონში ტემპერატურა შესაძლოა, -50°-მდე დაეცეს. BBC-ის ინფორმაციით, ძლიერი ყინვის გამო სხვადასხვა შტატში 8 ადამიანი გარდაიცვალა. როგორც გამოცემა აღნიშნავს, ქალაქები, ფაქტობრივად, ფუნქციონირებას წყვეტენ

უკიდურესი ყინვის მიზეზი ჩრდილოეთიდან წამოსული ცივი ჰაერის მასა გახდა. შუა აღმოსავლეთის შტატებში, ვისკონსინში, მიჩიგანში, ილინოისსა და სამხრეთის შტატებში, ალაბამასა და მისისიპიში საგანგებო მდგომარეობა გამოცხადდა.

ჩიკაგოში ჰაერის ტემპერატურა -30° გრადუსია და იქ უფრო მეტად ცივა, ვიდრე ანტარქტიდის ზოგიერთ ნაწილში. გაყინულია მდინარე და გზები. რკინიგზის ლიანდაგების გასადნობად კი ცეცხლი გამოიყენეს.

It's been so cold in Chicago that workers set fire to railroad tracks just to keep the trains moving. The extreme cold — around -22 F Wednesday morning — can cause rail defects. https://t.co/7NG3VKuPYV pic.twitter.com/Bd15ZZUged
— CNN (@CNN) January 31, 2019

მეტეოროლოგები მოსახლეობას აფრთხილებენ, რომ ქუჩაში 10 წუთით დგომისას ძლიერი ყინვა უკვე იგრძნობა. მთელი ქვეყნის მასშტაბით ათასობით შიდა რეისი გაუქმდა. რამდენიმე ქალაქში გათბობის დროებითი პუნქტები გაიხსნა.

მეტეოროლოგები მკვეთრ სიცივეს ჩრდილოეთ პოლუსზე უეცარ დათბობას უკავშირებენ, რომელიც მაროკოდან თბილი ჰაერის ნაკადით არის გამოწვეული. ამის გამო ცივი ჰაერის მასამ სამხრეთ გადაინაცვლა. მეცნიერების აზრით, გლობალური დათბობის გამო დედამიწაზე ზამთარი უფრო მკაცრი და ცივი გახდება.

ჩიკაგოს გაყინული მდინარე

ჩიკაგო, მიჩიგანის ტბა

მუშები თვითმფრინავის გარშემო ყინულს ადნობენ

ბოლო ამბები:

გირჩევთ