NDI-ის კვლევაში გამოკითხულთა 71 პროცენტმა არ იცის, ვინ არის მათი მაჟორიტარი დეპუტატი საქართველოს პარლამენტში. მათგან 9 პროცენტმა კითხვას არასწორად უპასუხა. მათი მაჟორიტარის ვინაობის შესახებ კითხვას მხოლოდ გამოკითხულთა 28 პროცენტმა უპასუხა სწორად.

NDI-ის კვლევამ აჩვენა, რომ წინა წელსაც მსგავსი შედეგი დადგა. 2017 წელს დაახლოებით 60 პროცენტმა არ იცოდა მაჟორიტარი დეპუტატის ვინაობა და დაახლოებით 11 პროცენტმა არასწორად უპასუხა ამავე თემაზე დასმულ შეკითხვას.

ეროვნულ დემოკრატიული ინსტიტუტის (NDI) კვლევის საველე სამუშაოები 2018 წლის 6-20 დეკემბერს ჩატარდა. კვლევის ფარგლებში 2 205 დასრულებული ინტერვიუ შედგა. საშუალო ცდომილების ზღვარი +/- 2,1 პროცენტი.