გახსოვთ ჩვენი სტატია იმ ფეისბუქ სტატუსებზე, რომლებიც ტაქსის მძღოლებზეა და ყველას ყელში ამოუვიდა? დღევანდელი ისტორია ამ სტატუსების რიგებში ნამდვილად არაა.

ამბავი თბილისელ ტაქსის მძღოლზეა, რომელსაც თავისი ძაღლი იმდენად უყვარს, რომ სახლში მარტო ვერ დატოვა და სამუშაოდ თან წაიყვანა.

გულისამაჩუყებელი ისტორია ფეისბუქის მომხმარებელმა გიო დეკანოიძემ გაავრცელა.

"ტაქსიში ჩავჯექი და ესეთი უცნაურობა დამხვდა. სახლში მარტო დარჩენა არ ყვარებია პრინცესა მიმის და ესე ტაქსაობენ ერთად", - წერს ის.

როგორც ფოტოს ავტორმა On.ge-ს უთხრა, ძაღლი, სახელად "პრინცესა მიმი" სავარძელში კომფორტულად იყო მოკალათებული და ნერვიულობა არ ეტყობოდა.