BBC-ის ცნობით, ამერიკის შეერთებულმა შტატებმა და ჩინეთმა, პარიზის კლიმატის შეთანხმების რატიფიკაცია მოახდინეს.

დოკუმენტი ადასტურებს, რომ მსოფლიოს ორმა ყველაზე დიდმა დამაბინძურებელმა ქვეყანამ გადადგა ყველა ნაბიჯი, რათა შეთანხმებას შეერთებოდა.

ბარაკ ობამას თქმით, აშშ უნდა იყოს ლიდერი კლიმატის ცვლილების წინააღმდეგ ბრძოლაში. იგი იმედოვნებს, რომ პარიზის შეთანხმება იქნება მსოფლიოს გამაერთიანებელი გლობალური დათბობის წინააღმდეგ:

"ისტორია დღევანდელ ძალისხმევას სასიცოცხლოდ მნიშვნელოვნად შეაფასებს".

პარიზის შეთანხმების მიზანია კლიმატის ცვლილებების გამომწვევ მიზეზებზე გავლენის მოხდენის მცდელობა. იგი არის მსოფლიოს პირველი სრულყოფილი კლიმატის შეთანხმება. კანონიერად, დოკუმენტი ძალაში მას შემდეგ შევა, რაც სულ მცირე 55 ქვეყანა, რომელზეც მოდის სათბურის გაზის გამოყოფის 55 პროცენტი, დაასრულებს რატიფიკაციის პროცესს.