საავტომობილო გზების დეპარტამენტის განცხადებით, ამინდის მკვეთრი გაუარესების გამო, რამდენიმე საავტომობილო გზაზე დაწესებულია მოძრაობის სპეციალური რეჟიმი. დაწესებულია შემდეგი სახის შეზღუდვები:

  • მცხეთა–სტეფანწმინდა–ლარსის (რუსეთის საზღვარი) საავტომობილო გზის გუდაური(ფოსტა)-კობის მონაკვეთზე აკრძალულია ყველა სახის ავტოტრანსპორტის მოძრაობა;
  • ზუგდიდი-ჯვარი-მესტია-ლასდილის საავტომობილო გზის კალა-უშგულის მონაკვეთზე აკრძალულია ყველა სახის ავტოტრანსპორტის მოძრაობა;
  • ზუგდიდი-ჯვარი-მესტია-ლასდილის საავტომობილო გზის ხაიში-კალას მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა. დანარჩენი სახის ავტოტრანსპორტის მოძრაობა ჯვარი-დიზის მონაკვეთზე თავისუფალია. დიზი-კალას მონაკვეთზე დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა თავისუფალია;
  • ვაზიანი-გომბორი-თელავის საავტომობილო გზის ვერონა-შუამთა მონაკვეთზე ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ხოლო, ორი და მეტი წამყვანი ხიდის მქონე ავტოტრანსპორტის მოძრაობა თავისუფალია.
  • ახალქალაქი-კარწახის მონაკვეთზე, ნაქერალას უღელტეხილისა და კოდა–ფარცხისი–მანგლისი–წალკა–ნინოწმინდის საავტომობილო გზის 94-146 კილომეტრის მონაკვეთებზე აკრძალულია მისაბმელიანი, ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობა. დანარჩენი სახის ავტოტრანსპორტის მოძრაობა თავისუფალია.