გუშინ, 7 იანვარს თბილისის ზღვის მიმდებარე ტერიტორიაზე საპატრულო პოლიციის დეპარტამენტის თანამშრომელი დაჭრეს. შინაგან საქმეთა სამინისტროს ინფორმაციით, პატრულ-ინსპექტორი საავადმყოფოში მკურნალობს და მისი ჯანმრთელობის მდგომარეობა სტაბილურია.

უწყების განცხადებით მომხდარზე გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. დამატებით ინფორმაციას უწყება არ ავრცელებს და აცხადებს, რომ მიმდინარეობს ოპერატიულ-საგამოძიებო ღონისძიებები.