ახალი კვლევის მიხედვით, ძაღლებს თქვენი კარგად ესმით. თანაც სიტყვების მნიშვნელობაც იციან. მაგალითად, თუ თქვენს ერთგულ მეგობარს, მოფერებით და ტკბილი ხმით ეტყვით, რომ გიჟი, ცუდი და საზიზღარი ძაღლია, ის დაიბნევა.

ბუდაპეშტის ოტვოშ ლორანდის უნივერსიტეტის მეცნიერებმა გადაწყვიტეს გამოეკვლიათ, როგორ რეაგირებენ და აღიქვამენ ძაღლები სიტყვებს და ემოციებს. აღმოჩნდა, რომ ძაღლური აღქმები -ადამიანურისგან მაინცდამაინც განსხვავებული არ ყოფილა.

"ჩვენ გავწვრთვენით ძაღლები და ვასწავლეთ, რომ MRI სკანერში გაუნძრევლად დაწოლილიყვნენ. ამ დროს მათ თავიანთი მწვრთნელები ელაპარაკებოდნენ, ჩვენ კი მათი ტვინის აქტივობას ვაკვირდებოდით. ამ დაკვირვების დროს ძაღლებს, ცხადია, ეღვიძათ და არც დაბმულები ყოფილან", ამბობს კვლევის ხელმძღვანელი ატილა ანდიჩსი.

ფოტო: Enik Kubinyi

პროცესში, მწვრთნელები ძაღლებს ორი ტონით, ჩვეულებრივად და პოზიტიურად ესაუბრებოდნენ და ორივე ტონით ლაპარაკისას ქებისა და ნეიტრალურ სიტყვებს იყენებდნენ.

fMRI-ს მონაცემებმა აჩვენა, რომ ძაღლებს კონკრეტული სიტყვებისა და ტონის გარჩევა შეუძლიათ. ანუ თუ თქვენ პოზიტიური ტონით ელაპარაკებით, მაგრამ დასატუქს სიტყვებს ეუბნებით ან პირიქით, ძაღლი დაიბნევა. ამიტომ პირდაპირ და შესაბამისი ტონით უთხარით ხოლმე მათ ის, რისი თქმაც გინდათ.