საქართველოს პრემიერ-მინისტრმა, მამუკა ბახტაძემ, წლიური ანგარიშის წარდგენისას კიდევ ერთხელ ისაუბრა ჭარბვალიანობაზე. ბახტაძის თქმით, ქვეყნის მთავარი გამოწვევა სიღარიბეა, რომელიც იმ არასამართლიანი თამაშის წესებით არის გამოწვეული, რაც 2007 წელს ყოფილმა ხელისუფლებამ მიიღო.

მამუკა ბახტაძის თქმით, სწორედ 2007 წელს მიღებული გადაწყვეტილება იქცა ჭარბვალიანობის პრობლემის სათავედ.

"ეს იყო ერთ-ერთი პირველი, რისი ცვლილებაც ჩვენ დავიწყეთ. დიახ, ჩვენ გვჭირდება ახალი ეკონომიკური მოდელი, რომელიც ორიენტირებული იქნება ისეთი ტიპის ეკონომიკურ ზრდაზე, რომელიც შეეხება საქართველოს თითოეულ მოქალაქეს, თითოეულ ქართულ ოჯახს", — განაცხადა მამუკმა ბახტაძემ.

ბახტაძის თქმით, მისი მთავრობის პირობებში დაინერგა ისეთი ეკონომიკური მოდელი, რომელიც მომავალში გამორიცხავს მოქალაქეების არასამართლიანად მოხვედრას ე.წ. შავ სიაში.

ბახტაძემ, ასევე, მადლობა გადაუხადა ფონდ ქართუს და განაცხადა, რომ ამ დროისთვის 580 ათასზე მეტი მოქალაქე უკვე ამოღებულია შავი სიიდან.

19 ნოემბერს, პრემიერ-მინისტრმა მოქალაქეებისთვის ვალების ჩამოწერის შესახებ გააკეთა განცხადება. ბახტაძის თქმით, პროექტის ღირებულება სულ 1,5 მილიარდი და სრულ ღირებულებას ფონდი ქართუ დაფარავს.

გაიგე მეტი: