რობი უილიამსმა ლედ ზეპელინის დამაარსებელსა და გიტარისტს ჯიმი პეიჯს 5-წლიანი სასამართლო დავა მოუგო, რაც მას ლონდონის სახლში მიწისქვეშა აუზის აშენების უფლებას აძლევს.

პეიჯი და უილიამსი მეზობლები არიან. ლეგენდარული ჯგუფის წარმომადგენელი აცხადებდა, რომ კონსტრუქცია "კატასტროფული" და საფრთხის შემცველი იქნებოდა მისი ვეება სახლისთვის.

თუმცა, სასამართლომ უილიამსის სქემა უსაფრთხოდ ჩათვალა და მისი მშენებლობის ნებართვა მისცა.

პროექტირების კომიტეტის თავჯდომარის თქმით, წყვილი უკეთ შესათანხმებლად მოლაპარაკების გამართვას აპირებს.

დავა 74 წლის პეიჯსა და 44 წლის უილიამსს შორის მაშინ დაიწყო, როცა უილიამსმა მის გვერდით სახლი იყიდა. პეიჯი აცხადებდა, რომ უილიამსის გეგმები მის სახლს საფრთხეს უქმნიდა, უილიამსის წარმომადგენლები კი ამბობდნენ, რომ კონსტრუქციის მშენებლობისას გარშემომყოფების უსაფრთხოების დაცვა გათვალისწინებული იყო.

პეიჯმა თავისი სახლი 1972 წელს იყიდა. მისი თქმით, ის რობი უილიამსთან შესახვედრად და თავის მოსაზრებების მასთან განსახილველად მზადაა. დაგეგმარების კომიტეტი იმედოვნებს, რომ ვარსკვლავების შეხვედრა ბევრ პრობლემას გადაჭრის.