კვენტინ ტარანტინოს სახლში 16 დეკემბერს ორი მძარცველი შეიჭრა და ძვირფასეულობის მოპარვა სცადა.

ლოს-ანჯელესში, ვუდრო უილსონის ქუჩაზე მდებარე ვილაში მძარცველები ღამით ფანჯრიდან გადაძვრნენ, თუმცა არ გაუმართლათ, რადგან რეჟისორი ამ დროს სახლში იმყოფებოდა.

ხმაურის გაგონების შემდეგ ტარანტინო არ დაიბნა და ქურდებს ყვირილით გამოუვარდა. საბოლოოდ ისინი გაიქცნენ.

მომხდარს ლოს-ანჯელესის პოლიცია უკვე იძიებს. სამართალდამცავები ამოწმებენ ჩანაწერსაც და სახლში შეპარული ადამიანების იდენტიფიკაციას ცდილობენ.