2018 წლის 21 დეკემბერს, 20:00 საათზე ტექნოპარკში "Fuckup Nights Tbilisi" გაიმართება, რომელზეც ყველაზე საინტერესო ბიზნეს ისტორიებს მოისმენთ.

Fuckup Nights გლობალური მოძრაობა და ღონისძიებების სერიაა, რომელიც პროფესიული მარცხის ისტორიებს გვიამბობს. თვეში ერთხელ, მსოფლიოს სხვადასხვა ქალაქში წარმატებული ადამიანები საკუთარ პროფესიულ წარუმატებლობასა თუ შეცდომებს ფართო აუდიტორიას უზიარებენ.

ეს ის ბიზნესისტორიებია, რომლებსაც მოჰყვა მარცხი და იმედგაცრუება, პარტნიორული ურთიერთობა, რომელიც არ შედგა და პროდუქტი, რომელმაც არ გაამართლა - Fuckup Nights-ის სპიკერები არიან ადამიანები, რომლებიც მარცხის მიუხედავად, არ დანებდნენ, გააგრძელეს დასახული მიზნისკენ სვლა და ახლა მზად არიან საკუთარი გამოცდილება სხვებს გაუზიარონ.

ღონისძიების პირველი სპიკერი ღამის თბილისის ეკონომიკის პროექტის ხელმძღვანელი სერგი გვარჯალაძე იქნება.

ივენთი საინტერესო იქნება მეწარმეებისთვის, ბიზნესმენებისთვის, აღმასრულებელი დირექტორებისთვის, მენეჯერებისთვის, შემოქმედებითი პროფესიონალებისთვის, სტუდენტებისთვის და ყველასთვის, ვისაც სურს ისწავლოს სხვის შეცდომებზე.

ტექნოპარკში Fuckup Nights Tbilisi-ის სამუშაო ენა ინგლისური იქნება.

Fuckup Nights მოძრაობა 2012 წელს მექსიკაში დაიწყო და დღეს უკვე მთელი მსოფლიოს მასშტაბით 84 ქვეყანასა და 300 ქალაქში მიმდინარეობს.

ღონისძიება ორგანიზებულია Tbilisi Startup Bureau, Impact Hub Tbilisi და ეკონომიკისა და მდგრადი განვითარების სამინისტროს საქართველოს ინოვაციების და ტექნოლოგიების სააგენტო / GITA-ს პარტნიორობით. ღონისძიების მასპინძელია ტექნოპარკი.

ღონისძიების მედიაპარტნიორები არიან Entrepreneur Georgia, AT.ge, ინდიგო • Indigo, bpn.ge • ბიზნესპრესნიუსი და რადიოშოკოლადი.

ღონისძიების შესახებ დამატებითი ინფორმაციის მოპოვება აღნიშნულ ბმულზე შეგიძლიათ.