ნაციონალური მოძრაობის წევრი თინა ბოკუჩავა ამბობს, რომ გაერთიანებული ოპოზიცია სალომე ზურაბიშვილის ინაუგურაციის დღეს, 16 დეკემბერს გასამართი აქციის დეტალებზე კონსულტაციას აგრძელებს.

კითხვაზე, ჩატარდება თუ არა აქცია თელავში, სადაც პრეზიდენტის ინაუგურაცია იგეგმება, ის პასუხობს, რომ "განიხილება ყველა ადგილი".

"შევარჩევთ ისეთ ადგილს, ისეთ ფორმას, ისეთ მასშტაბს, რომელიც ყველაზე მისაღები, ყველაზე ეფექტური ყველაზე სწორი იქნება ჩვენი ქვეყნისთვის ამ კონკრეტულ მომენტში", — განმარტა მან.

ვადამდელი საპარლამენტო არჩევნების გამოცხადებამდე გაერთიანებულმა ოპოზიციამ ხელისუფლებას დრო სწორედ 16 დეკემბრამდე მისცა.