მთავრობის ადმინისტრაციის ინფორმაციით, სტარტაპ საქართველოს ფარგლებში 20 ბიზნესიდეა დაფინანსდა. ჯამში პროექტის ფარგლებში ინოვაციური ბიზნესის წარმოებისათვის 720-ზე მეტი განაცხადი შევიდა.

მაღალტექნოლოგიური კომპონენტის პროექტები შემდეგი დარგებიდანაა:

• საფინანსო ტექნოლოგიები
• განახლებადი ენერგეტიკა
• ბიო ტექნოლოგიები
• ნანოტექნოლოგიები
• ხელოვნური ინტელექტი
• საინფორმაციო ტექნოლოგიები
• მობილური აპლიკაციები
• ელექტრონული სწავლება და სხვა

პროგრამა სტარტაპ საქართველო მთავრობის 4-პუნქტიანი გეგმის ფარგლებში ხორციელდება. პროექტს საქართველოს ინოვაციებისა და ტექნოლოგიების სააგენტო და საპარტნიორო ფონდი ახორციელებენ.