დღეს ამერიკის 41-ე პრეზიდენტის ჯორჯ ბუში უფროსის დასაფლავების ცერემონია ვაშინგტონში, ეროვნულ საკათედრო ეკლესიაში გაიმართა.

ცერემონიას მსოფლიოს სხვა ლიდერებთან ერთად ამერიკის მოქმედი პრეზიდენტი და ექსპრეზიდენტები ცოლებთან ერთად ესწრებოდნენ. მათ ჯორჯ ბუში უმცროსი მიესალმა და ხელი სათითაოდ ჩამოართვა, მიშელ ობამას კი ხელში პიტნის კანფეტიც ჩაუდო.

მიშელს ჯორჯ ბუშის ამ ჟესტზე სახე გაებადრა.

ეს მომენტი არ გამოჰპარვიათ ტვიტერის მომხმარებლებსაც:

"ბუშმა კანფეტები ისევ დაარიგა"

"კანფეტის გადაცემით, ბუშმა წინა გულისგამათბობელი მომენტი შეგვახსენა"

ბუშმა, რომელიც ყველას მოგაგონებთ კანფეტებით ჯიბეგამოტანილ კეთილ ბაბუას, ობამას პიტნის კანფეტები სენატორი მაკკეინის დასაფლავებაზეც ჩაუყარა მუჭში.

ცოტა ხნის წინ, მიშელ ობამამ მისი და ჯორჯ ბუშის მეგობრობაზე ისაუბრა და სენატორის დასაფლავებაზე დაფიქსირებული მომენტიც გაიხსენა:

"იმ წუთში არც კი მიფიქრია, რომ ვინმე შეამჩნევდა, რას ვაკეთებდით. პროტოკოლის მიხედვით, ოფიციალურ ღონისძიებებზე თუ ცერემონიებზე მე და პრეზიდენტი ბუში მუდამ გვერდიგვერდ ვსხედვართ და ის ჩემი პარტნიორია დანაშაულში. ის საოცარი, მხიარული კაცია და ძალიან მიყვარს".