სალომე ზურაბიშვილის პრეზიდენტის თანამდებობაზე ინაუგურაციის ცერემონიალი თელავში გაიმართება. ამის შესახებ ინფორმაცია On.ge-ს მისმა პრესსამსახურის თანამშრომელმა დაუდასტურა.

ამ დრომდე უცნობი იყო რომელ ქალაქში ჩატარდებოდა მისი ინაუგურაცია. გავრცელებული ვერსიის მიხედვით, ცერემონია ერეკლე მეორის სასახლეში ჩატარდება.

საქართველოს არჩეული პრეზიდენტის, სალომე ზურაბიშვილის ინაუგურაცია 16 დეკემბერს გაიმართება. ქვეყნის ახალი პრეზიდენტის მიერ ფიცის დადებისა და უფლებამოსილებაში შესვლის ცერემონია, კონსტიტუციის მიხედვით, პრეზიდენტის არჩევის დღიდან მესამე კვირა დღეს იმართება. სალომე ზურაბიშვილის მიერ პრეზიდენტის ფიცის დადებისთანავე წყდება მოქმედი პრეზიდენტის, გიორგი მარგველაშვილის უფლებამოსილება.

საქართველოს ცენტრალურმა საარჩევნო კომისიამ ხმების 100 პროცენტი დათვალა. ამ მონაცემებით, პრეზიდენტი სალომე ზურაბიშვილი ხდება.

პრეზიდენტობის კანდიდატებს შორის ხმები პროცენტულად ასე გადანაწილდა:

  • ზურაბიშვილი — 59,52%;
  • ვაშაძემ — 40,48%.