წარმოგიდგენიათ ჯოან როულინგის ჯადოსნური ნაწარმოებიდან სამი განუყრელი მეგობარი რონ უიზლის გარეშე? არც ჩვენ!

მაგრამ 30 წლის მსახიობი Guardian-თან ინტერვიუში აღიარებს, რომ ბოლო ფილმების დატოვება სურდა:

"იყო მომენტი, როცა წასვლაზე ვფიქრობდი. ჰარი პოტერის ფილმებში თამაში ჩემგან დიდი მსხვერპლი იყო. ისეთი პატარა ასაკიდან დიდი დროით მუშაობა მარტივი არ იყო".

გრინტი იხსენებს, რომ გადაღებებისას ერთ-ერთი დიდი შესვენებისას საკუთარ თავს ეკითხებოდა, სურდა თუ არა დაბრუნება:

"ვფიქრობდი "ეს ისეთი შრომატევადი საქმეა, ნამდვილად მინდა დაბრუნება? იქნებ იქ ჩემი ადგილი არაა?" თუმცა ეს ალბათ თინეიჯერისთვის დამახასიათებელი ფიქრები იყო".

რუპერტის სიტყვებით, მასსა და რონს შორის არსებული სხვაობა პოტერის ახალ ფილმებთან ერთად უფრო და უფრო მცირდებოდა. ის დასძენს, რომ მადლობელია იმ პოპულარობისთვის, რაც მას ჰარი პოტერის ფილმებმა მოუტანა. წითური მსახიობი თავს ინტროვერტს უწოდებს და ამბობს, რომ ყურადღების ცენტრში და ჩრდილში ყოფნა მისთვის თანაბრად სასიამოვნოა.