თბილისში ჩატარებული სპეცოპერაციის შედეგად უკრაინის შვიდი მოქალაქე ცეცხლსასროლი იარაღისა, საბრძოლო მასალის, ფეთქებადი ნივთიერების ან ასაფეთქებელი მოწყობილობის შეძენა-შენახვის მუხლით დააკავეს. ამის შესახებ ინფორმაცია On.ge-ს უწყებიდან მიაწოდეს.

ტელეკომპანიების რუსთავი 2-სა და TV პირველის ინფორმაციით, დაკავებულთა შორის, სავარაუდოდ, დონბასში მებრძოლი ქართველი სამხედრო, ლუკა ჩხეტიაა, რომელიც საქართველოში გაერთიანებული ოპოზიციის აქციაზე დასასწრებად ჩამოვიდა. დეტალებთან დაკავშირებით კი შსს-ში არ საუბრობენ.

საქმეზე გამოძიება სისხლის სამართლის კოდექსის 236-ე მუხლის მესამე და მეექვსე ნაწილებით მიმდინარეობს. ამ მუხლით სისხლისსამართლებრივი პასუხისმგებლობა დგება, თუ ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარება, დამზადება, გადაზიდვა, გადაგზავნა ან გასაღება უკანონოდ ხდება.