საპრეზიდენტო არჩევნებიდან მეორე დღეს სალომე ზურაბიშვილის საქართველოს პატრიარქს შეხვდა. როგორც მან ჟურნალისტებს უთხრა, პატრიარქი იყო პირველი ადამიანი ვინც მიულოცა მას არჩევნებში გამარჯვება და თავისთან მიიწვია. ზურაბიშვილი პატრიარქს არჩევნების წინა დღესაც შეხვდა. მისივე თქმით, შეხვედრას სინოდის დიდი ნაწილი ესწრებოდა.

"ეს ჩემთვის იყო არა მხოლოდ დიდი პატივი, ეს იყო ის მომენტი, როდესაც მე ვიგრძენი, რომ გავხდი საქართველოს პრეზიდენტი და მქონდა ეს საუბარი პატრიარქთან და სინოდის წევრებთან, როგორც საქართველოს ახლადარჩეული პრეზიდენტი", - განაცხადა ზურაბიშვილმა.

მისივე თქმით, მათ ისაუბრეს ქვეყნის მომავალაზე და რა აირჩია ქვეყნის საზოგადოებამ:

"მე პირადად, რაზედაც ვარ პასუხისმგებელი, ვიმუშავებთ მთელი ძალ-ღონით და ამ პირობას დღეს ვდებ თქვენ წინაშეც, რომ მე ვიქნები მოწოდებული, რომ რაც შეიძლება უფრო მშვიდობიანი და განვითარებული გახდეს ჩვენი ქვეყანა".

ცესკოს წინასწარი მონაცემებით, საპრეზიდენტო არჩევნების მეორე ტურში სალომე ზურაბიშვილმა ხმების 59,52%, ხოლო გრიგოლ ვაშაძემ 40,48% მიიღო.