თავდაცვის ყოფილი მინისტრი, თინა ხიდაშელი თბილისის მერის მიერ მწვანე მუშტის წევრის სიტყვიერი შეურაცხყოფის ფაქტს ეხმაურება და განმარტავს, რომ ხელისუფლება აღნიშნულს მეტი პასუხისმგებლობით უნდა მოეკიდოს:

"როგორც არ უნდა იყო გაღიზიანებული, გაბრაზებული, როდესაც არჩეული თანამდებობის პირი ხარ, ნერვებმა არ უნდა გიღალატოს და თუ ნერვები გღალატობს, მაშინ უნდა წახვიდე სახლში. ასე არ ელაპარაკებიან ადამიანებს, რომლებსაც პროტესტი აქვთ, რომლებიც სრულიად ლეგიტიმურად გეუბნებიან, რომ ერთი მილიონი ხის დარგვით მოსული მერი ხეების გაჩეხვით არ უნდა ამახსოვრებდეს საკუთარ თავს ქალაქს".

24 აგვისტოს თბილისის მერიაში გამწვანების რეგულაციების თემაზე გამართულ შეხვედრაზე თბილისის მერმა, დავით ნარმანიამ მწვანე მუშტის წარმომადგენელს, ირაკლი კუპრაძეს სიტყვიერი შეურაცხყოფა მიაყენა:

"მე თქვენთვის სიტყვა არ მომიცია, ვინ არის ეს. მაიმუნი ვირიშვილი, ულტიმატუმებით შემოვიდა".