დღეს საქართველოში საპრეზიდენტო არჩევნების მეორე ტური იმართება. ამის პარალელურად, მოქალაქეები 48 ნომრიდან სატელეფონო ზარებს იღებენ. პასუხისას, ჩანაწერი ირთვება და ქართული ოცნების პარტიის თავჯდომარე ბიძინა ივანიშვილი ამომრჩეველს ამ სიტყვებით მიმართავს:

"მე ბიძინა ივანიშვილი ვარ. დღეს პრინციპული არჩევანის დღეა. არ დარჩე სახლში. მოდი არჩევნებზე. ერთად ვუთხრათ უარი ნაციონალურ მოძრაობას და მძიმე წარსულში დაბრუნებას. მიეცი ხმა შენი შვილებისა და ქვეყნის მომავალს. მიეცი ხმა სალომე ზურაბიშვილს".

აუდიო ჩანაწერი ვიდეოს სახით ფეისბუქზე ლევან ლომინაძემ გამოაქვეყნა.

ივანიშვილის გარდა, მეორე ტურის წინა დღეს მოქალაქეებს გაერთიანებული ოპოზიციის კანდიდატის, გრიგოლ ვაშაძის "ხმითაც დაურეკეს". ამის შესახებ ინფორმაცია On.ge-ს ერთიან ნაციონალურ მოძრაობასა და ქართულ ოცნებაში დაუდასტურეს.