პარლამენტის თავმჯდომარე, ირაკლი კობახიძე აცხადებს, რომ არჩევნების თარიღი ამომრჩევლის აქტივობაზე გავლენას არ მოახდენს. კობახიძემ მაგალითად მოიყვანა 2012 წელს ჩატარებული არჩევნები, რომელიც ორშაბათს გაიმართა. მისი თქმით, ეს არჩევნები ყველაზე აქტიური იყო საქართველოს უახლეს ისტორიაში.

"არჩევნების დანიშვნა ცენტრალური საარჩევნო კომისიის პრეროგატივაა, რაც შეეხება დღის დანიშვნას, ეს დამოკიდებულია შემაჯამებელი ოქმის გამოქვეყნებაზე" - განაცხადა პარლამენტის თავმჯდომარემ.

ამ წუთებში ცენტრალურ საარჩევნო კომისიაში სხდომა იმართება, სადაც არჩევნების თარიღზე მსჯელობენ. თუმცა, არჩევნების თარიღის დასახელება ცენტრალურ საარჩევნო კომისიას ქართული ოცნების გენერალურმა მდივანმა, კახა კალაძემ დაასწრო. კალაძემ განაცხადა, რომ Edison Research-ის კვლევები არაზუსტია და 28 ნოემბერს რეალობა განსხვავებული იქნება.

არასამთავრობო ორგანიზაციების განცხადებით, ცესკოს დღევანდელი სხდომის დღის წესრიგით განსაზღვრულია, რომ ადმინისტრაცია შედეგების შეჯამებასთან ერთად კენჭისყრის თარიღსაც დანიშნავს, რაც იმას ნიშნავს, რომ არჩევნების მეორე ტურის კენჭისყრის დღედ ოთხშაბათი, 28 ნოემბერი განისაზღვრება.

გაერთიანებული ოპოზიციის ერთ-ერთი ლიდერის, გიორგი ვაშაძის თქმით, არჩევნების სამუშაო დღეს დანიშვნა რამდენიმე მიზეზით სურთ:

  • უცხო ქვეყანაში რეგისტრირებულმა მოქალაქეებმა ვერ მისცენ ხმა გრიგოლ ვაშაძეს;
  • არჩევნებზე მივიდნენ საჯარო სამსახურში დასაქმებული ადამიანები და კერძო სექტორის — არა.