უცხოური მედიის ცნობით, ორ ქვეყანას შორის დაძაბული ურთიერთობის გამო, თურქეთმა ავსტრიიდან თავისი ელჩი გაიწვია. ქვეყნის საგარეო საქმეთა მინისტრმა, მევლუთ ჩავუშოღლუმ განაცხადა, რომ ქვეყნის მთავარი დიპლომატი ავსტრიიდან "კონსულტაციებისთვის" გაიწვიეს.

ადგილობრივი მედიასაშუალების, Anadolu-ს ცნობით კი, მინისტრმა ასევე განმარტა, რომ თურქეთს სურს მასსა და ავსტრიას შორის არსებულ ურთიერთობებს გადახედოს:

"სამწუხაროდ, ჩვენ ორ შორის ნორმალური ურთიერთობისათვის არსებული ნიადაგი გამქრალია".

20 აგვისტოს ავსტრიის დედაქალაქში ქურთისტანის მუშათა პარტიის მხარდამჭერი აქცია გაიმართა, რამაც თურქეთის უკმაყოფილება გამოიწვია, რადგან აღნიშნული მოძრაობა ქვეყანაში ტერორისტულ ორგანიზაციად არის გამოცხადებული.