პარტია ქართული ოცნების დამფუძნებლისა და თავმჯდომარის, ბიძინა ივანიშვილის შვილის ბერა ივანიშვილის ჯვრისწერის გამო სვეტიცხოველი ვიზიტორებისთვის დროებით დაიკეტა. ამის შესახებ ინფორმაცია ფეისბუქის მომხმრებელმა, ლევან გელიაშვილმა გაავრცელა.

"სვეტიცხოველი დაკეტეს, არავის უშვებენ, გარეთ გამოგვიშვეს", — წერს ის.

ბერა ივანიშვილის ჯვრისწერას პირდაპირ ეთერში გადმოსცემს ტელეკომპანია პირველი. კადრებში ჩანს, რომ სვეტიცხოვლის მთავარ შესასვლელთან მობილიზებულია დაცვა, ტაძრის ვიზიტორებს ეზოში გადაადგილება შეუძლიათ. ტაძრის შიდა სივრცე მიუწვდომელია ჟურნალისტებისთვისაც. ტაძარში ცერემონიას პოლიტიკოსებიდან მხოლოდ ყოფილი პრემიერი - ირაკლი ღარიბაშვილი დაესწრო.