სერიალ Breaking Bad-ის ვარსკვლავი აარონ პოლი, Westworld-ის მესამე სეზონში ითამაშებს.

მიუხედავად იმისა, რომ შოუს პროდიუსერები პოლის პერსონაჟზე დეტალებს არ ახმაურებენ და მხოლოდ იმას ამბობენ, რომ ის ყველა ეპიზოდში გამოჩნდება, თავად მსახიობმა გადაწყვიტა სერიალის მაყურებლისთვის მცირე ინფორმაცია გაემხილა და თავისი გმირი ოთხი სიტყვით აღწერა.

"ემოციური, საშიში, მღელვარე და პრინციპული - მხოლოდ ამ ოთხი სიტყვის თქმა შემიძლია. სიმართლე გითხრათ, სცენარი ჯერ არც მე წამიკითხავს, სავარაუდოდ განხილვას მარტში ან აპრილში დავიწყებთ. თუმცა, როდესაც ჩემი პერსონაჟის შესახებ მითხრეს დეტალები, აღფრთოვანებული დავრჩი", - ამბობს აარონ პოლი.

რაც შეეხება, Westworld-ის მესამე სეზონს, დაუდასტურებელი ინფორმაციით, სერიალის ახალ ნაწილს მხოლოდ 2020 წელს ვიხილავთ.