1938 წლის 7 დეკემბერს, The New York Times-მა ბეტი დეივისისა და ჰარმონ ოსკარ ნელსონის ექვსწლიანი დაშორების შესახებ გაავრცელა ინფორმაცია.

ბეტი დეივისი მაშინ ჰოლივუდის ერთ-ერთი ყველაზე დიდი ვარსკვლავი იყო და მონაწილეობა ჰქონდა მიღებული ისეთ ფილმებში, როგორებიც არის Of Human Bondage, Dangerous (რომელმაც პირველი ოსკარი მოუტანა) და Jezebel (ამ ფილმით მსახიობმა მეორე ოსკარი ქმართან დაშორებიდან რამდენიმე თვეში მიიღო).

მსახიობის სტატუსიდან გამომდინარე, პრესამ განქორწინების ამბავი აიტაცა და ბეტის მაგივრად კომენტარის აღება ქმრისგან გადაწყვიტა.

ჰარმინის თქმით, ბეტისთან დაშორების მიზეზი, მსახიობის კითხვისადმი დიდი სიყვარული გახდა.

"ის ფიქრობს, რომ მისი სამსახური უფრო მნიშვნელოვანია, ვიდრე მისი ქორწინება. გარდა ამისა, ზედმეტად ბევრ კითხულობს. შეუძლია დაუსრულებლად ეჭიროს ხელში წიგნები და ხელნაწერები, რაც ძალიან გამაღიზიანებელია", - ამბობდა ჰარმონ ოსკარ ნელსონი.

ნელსონთან დაშორების შემდეგ, ბეტი მალევე დაქორწინდა, ამჯერად მისი საქმრო არტურ ფარნსვორტი იყო. სწორედ ამ პერიოდში აირჩიეს დეივისი ამერიკის კინოაკადემიის პირველ ქალ პრეზიდენტად.