შინაგან საქმეთა სამინისტროს ინფორმაციით, ქვემო ქართლის პოლიციის თანამშრომლებმა დააკავეს 1999 წელს დაბადებული პირი, რომელმაც ე.წ. სტამბოლის ბაზარში ცეცხლი გააჩინა.

გამოძიების ინფორმაციით, დაკავებულმა ბაზრის ტერიტორიზე არსებულ შპს ლურჯ მარკეტს ცეცხლი მოუკიდა და ადგილიდან მიიმალა.

პირველ ნოემბერს გაჩენილი ხანძრით დაიწვა 800 მ² ფართობზე განლაგებული შენობა-ნაგებობა და ეზოში გაჩერებული მიკროავტობუსი. ხანძრის შედეგად ბაზარში მოვაჭრე 50-მდე მოქალაქე დაზარალდა.