პრემიერმინისტრი, გიორგი კვირიკაშვილი, თურქეთის ქალაქ გაზიანთეფში მომხდარი ტერაქტის გამო, რომელსაც ბოლო მონაცემებით 50-მდე ადამიანის სიცოცხლე ემსხვერპლა, მწუხარებას გამოთქვამს:

"საქართველოს მთავრობისა და ქართველი ხალხის სახელით თანაგრძნობას ვუცხადებ დაღუპულთა ოჯახებს, თურქეთის მთავრობას, თურქ ხალხს.
ჩვენ ვგმობთ ტერორიზმს - საუკუნის ბოროტებას, რომელიც ემუქრება მშვიდობისმოყვარე ხალხებს მთელ მსოფლიოში. ჩვენ მთლიანად ვაცნობიერებთ ცივილიზებული სამყაროს წინაშე მდგარ ამ უდიდეს გამოწვევას. გვჯერა, რომ მსოფლიო თანამეგობრობის ძალისხმევით ყველაფერი გაკეთდება მის დასამარცხებლად".

ქალაქ გაზიანთეფში, ქორწილში, ტერაქტი 20 აგვისტოს მოხდა. ბოლო მონაცემებზე დაყრდნობით, დაღუპულია 50-მდე ადამიანი, 100-მდე პირი კი - დაშავებული. მომხდარზე პასუხისმგებლობა არცერთ ტერორისტულ დაჯგუფებას აუღია.