ტურისტული ბიზნეს ტრენინგი "მასპინძელი" უკვე ერთი თვეა საქართველოს სხვადასხვა რეგიონში იმართება.

კრედო ბანკის მიერ ორგანიზებულ ტრენინგზე დარგის ექსპერტები და პროფესიონალი ტრენერები მონაწილეებს უზიარებენ ცოდნასა და გამოცდილებას ტურიზმის განვითარებისა და შესაძლებლობების შესახებ. ტრენინგს უძღვება ინგა მუმლაძე და ნიკა ჩუბინიძე, რომელთაც მრავალწლიანი გამოცდილება აქვთ მასპინძლობის ინდუსტრიაში. ტრენინგის ფარგლებში მონაწილეები იღებენ ინფორმაციას, რომელიც არ არის ხელმისაწვდომი ქართულ ენაზე.

"მასპინძელი" უკვე ჩატარდა ბორჯომ-ბაკურიანში, ყაზბეგში, მესტიასა და ახალციხეში. ამჯერად კი ჩატარება თბილისში, ქუთაისში, წყალტუბოში, თელავსა და სიღნაღში არის დაგეგმილი. დასწრება ნებისმიერ მსურველს შეუძლია, ვისაც აინტერსებს აღნიშნული სფერო, საკუთარი ტურისტული ბიზნესის შექმნას ცდილობს ან უკვე აქვს და განვითარება სურს.

პროექტზე რეგისტრაციის მსურველებს შეუძლიათ დაუკავშირდნენ კრედო ბანკს ცხელ ხაზზე 032 2424242 ან ეწვიონ ბანკის Facebook გვერდს და ონლაინ გაიარონ რეგისტრაცია. ტრენინგზე დასწრება უფასოა.

ტრენინგი გრძელდება 1 სრული დღის განმავლობაში, მისი ჩატარების განრიგი კი შემდეგია: 2 ნოემბერი, 3 ნოემბერი; ქუთაისი 6 ნოემბერი; წყალტუბო 7 ნოემბერი; თელავი 12 ნოემბერი, 13 ნოემბერი; სიღნაღი 14 ნოემბერი.

ბანკი აღნიშნულ ტრენინგის ევროპული ფონდი EFSE-ს თანადგომით უწევს ორგანიზებას. ტურისტული ბიზნეს ტრენინგი "მასპინძელი" 2019 წელსაც გაგრძელდება, ორგანიზატორების გეგმაა საქართველოს ყველა რეგიონი მოიცვან.