გორში კაცმა ცოლს სცემა და დედა დაჭრა. ინფორმაცია On.ge-ს შინაგან საქმეთა სამინისტრომ დაუდასტურა. მათივე თქმით, შემთხვევა რამდენიმე დღის წინ მოხდა.

პრესსამსახურის ინფორმაციით, თავდაპირველად გამოძიება ოჯახში ძალადობის ბრალდებით დაიწყო, თუმცა პირადი და სახლის ჩხრეკისას ნარკოტიკული საშუალებები ამოიღეს. დაკავებულს ბრალი ოჯახში ძალადობისა და ნარკოდანაშაულისთვის წაუყენეს.

გარდა ამისა, რუსთავი 2 ავრცელებს ინფორმაციას, რომ ბრალდებულმა საკუთარი შვილი გაიტაცა, რადგან ეჩვენებოდა, რომ შვილის მოტაცება სცადეს. როგორც ტელეკომპანია წერს, პატიმარმა წინასწარი დაკავების იზოლატორში მოიჭამა თითები. აღნიშნულ ინფორმაციას On.ge-ს შსს არ უდასტურებს.