პარტია ევროპული საქართველოს ლიდერი, გიგი უგულავა ამბობს, რომ საკონსტიტუციო უმრავლესობამ "დაღუპა" თავის დროზე ნაციონალური მოძრაობა და ქართული ოცნებაც.

"უნდა დავივიწყოთ პოლიტიკური წყევლა საკონსტიტუციო უმრავლესობა", — ამბობს გიგი უგულავა და აღნიშნავს, რომ შემდეგი საპარლამენტო არჩევნები უნდა ჩატარდეს პროპორციული წესით.

მისივე თქმით, საკონსტიტუციო ცვლილება არის გარანტია და თავის დაზღვევა იმისგან, რომ არც ერთი მომდევნო მთავრობა არ აღმოჩნდება ნაციონალური მოძრაობის მსგავს მდგომარეობაში.

2016 წელს ჩატარებული საპარლამენტო არჩევნების შედეგად პარტია ქართულ ოცნებას საქართველოს პარლამენტში საკონსტიტუციო უმრავლესობა აქვს 114 დეპუტატის შემადგენლობით. საკონსტიტუციო უმრავლესობისთვის სულ 113 დეპუტატია საჭირო.

2004 წელს ხელისუფლებაში მოსვლისას, საკონსტიტუციო უმრავლესობა ჰქონდა პარლამენტში ერთიან ნაციონალურ მოძრაობასაც. მაშინდელ არჩევნებში ბლოკმა უმრავლესობა ხმათა 66,2%-ით მოიპოვა. ენმ-მ საკონსტიტუციო უმრავლესობა მეორედ 2008 წლის არჩევნებში, ხმათა 59,18% მიიღო.